माजी आ.भीमराव धोंडे यांच्या दोन्ही युवराज उतरले शिट्टीच्या प्रचारात..

आष्टी (प्रतिनिधी) आष्टी,पाटोदा,शिरूर विधानसभा मतदार संघाचे माजी आमदार अपक्ष उमेदवार भीमराव धोंडे यांच्या प्रचारार्थ युवा नेते डाॕ.अजयदादा धोंडे व अभयराजे धोंडे हे प्रचारासाठी निवडणूकीच्या रिंगणात उतरले आहेत. या दोघांनी आष्टी तालुक्यात झंजावती दौरा सुरू केला आहे.दौऱ्याच्या निमित्ताने त्यांना उत्स्फूर्त असा प्रतिसाद मिळत आहे.माजी आमदार व विकास पुरुष,रस्तेमहर्षी,शिक्षण महर्षी अशा उपाधी असलेले व त्या उपाधीप्रमाणे मतदार संघात विकास कामे केलेले माजी आ. भीमराव धोंडे हे लोकआग्रहास्तव निवडणुकीच्या रिंगणात अपक्ष उमेदवार म्हणून उतरले आहेत.मतदार संघात दिवसेंदिवस त्यांना पाठिंबा वाढत चालला आहे.प्रचाराचा नारळ फोडण्यासाठी आष्टी येथे प्रचंड अशी जाहीर सभा झाली होती. त्या सभेतच त्यांचा विजय निश्चित झाल्याची चर्चा मतदारसंघात आहे. त्यांना “ शिट्टी ” हे चिन्ह मिळाले आहे. शिट्टी हे चिन्ह गावोगावी आणि घराघरात पोहोचले आहे. विविध ठिकाणी झालेल्या जाहीर सभेत डाॕ.अजयदादा धोंडे यांनी सांगितले की,भीमराव धोंडे साहेबांनी मतदार संघात प्रचंड अशी विकास कामे केलेली आहेत. शेतकऱ्यांसाठी त्यांचे मोठे योगदान आहे.आष्टी ते दिल्ली व आष्टी ते मुंबई असे पायी मोर्चे काढले होते.उर्वरित विकास करण्यासाठी या निवडणुकीत अपक्ष उमेदवार म्हणून उतरले आहेत. येत्या २० तारखेला " शिट्टी " या चिन्हासमोरील बटन दाबून त्यांना मोठ्या मताधिक्याने निवडून द्यावे असे आवाहन डाॕ. अजयदादा धोंडे यांनी केले.सराटेवडगांव, टाकळी अमिया,पिंपरी घुमरी,निमगाव बोडखा या परिसराचा दौरा केला. अभयराजे धोंडे यांनी धानोरा व केरुळ परिसरातील गावांचा दौरा केला आहे. त्यांच्या हस्ते जाहीरनाम्याचे विविध ठिकाणी वाटप करण्यात आले.प्रत्येक गावात प्रमुख कार्यकर्ते बुथ प्रमुख,शक्ती केंद्र प्रमुख उपस्थित होते.