आनंदराव धोंडे महाविद्यालयाचे युवा महोत्सवात विविध कलाप्रकारात उत्कृष्ट सादरीकरण

आष्टी आष्टी तालुक्यातील कडा येथील आनंदराव धोंडे ऊर्फ बाबाजी महाविद्यालयातील विद्यार्थी कलावंतांनी डॉ.बाबासाहेब आंबेडकर मराठवाडा विद्यापीठ औरंगाबाद येथे संपन्न झालेल्या केंद्रीय युवा महोत्सव २०२३ - २०२४ मध्ये उत्कृष्ट सादरीकरण करून रसिकांची दादा मिळवली. दि.४ ते ७ ऑक्टोंबर २०२३ दरम्यान औरंगाबाद येथे डॉ.बाबासाहेब आंबेडकर मराठवाडा विद्यापीठ परिसरात युवा महोत्सव संपन्न झाला. यामध्ये धोंडे महाविद्यालयाचे विद्यार्थी श्री अभिषेक विनोद शिरोळे-भजन,कु.पोकळे सिद्धी संजय- पोवाडा,बहिरवाल सोपान भगवान-शास्त्रीय तालवाद्य,शिर्के कृष्णा जगन्नाथ -मिमिक्री,वक्तृत्व,वादविवाद , भोसले शिवम नानच्या-लावणी, पोटे अक्षय दत्तात्रय-काव्यवाचन,प्रश्नमंजुषा - साबळे सुरज दशरत,पोस्टर-कु. पोटे श्वेता अशोक व-रांगोळी,चित्रकला,घोडके धीरज कैलास-स्पॉट फोटोग्राफी,शॉर्ट फिल्म इत्यादी कला प्रकारांमध्ये विद्यार्थ्यांनी सहभाग घेऊन उपस्थित रसिकांची दाद मिळवली.संघ व्यवस्थापक म्हणून प्रा.डॉ.जी.पी.बोडखे,प्रा.डॉ.विनोद ढोबळे व प्रा.डॉ.एस.बी.कुचेकर यांनी काम पाहिले. उत्कृष्ट सादरीकरण केल्याबद्दल महाविद्यालयाचे प्राचार्य डाॅ.एच.जी.विधाते, उपप्राचार्य प्रा.डॉ.भास्कर चव्हाण,उपप्राचार्य डॉ.संभाजी वाघुले , उपप्राचार्य डॉ.बी.एस.खैरे आणि महाविद्यालयातील प्राध्यापकांनी कौतुक केले.