श्री क्षेत्र महादेवदरा ते पंढरपूर पायी पालखी सोहळा

आष्टी (प्रतिनिधी) पंढरीचे वारकरी ते अधिकारी मोक्षाचे, गात जागा गात जागा,प्रेम मागा विठ्ठला या अभंगातील वाक्यानुसार आष्टी तालुक्यातील बीडसांगवी येथील श्री क्षेत्र महादेव मंदिर महादेवदरा संस्थान ते पंढरपूर पायी पालखी सोहळ्याचे प्रस्थान क्षेत्र विकासक ह.भ.प.कल्याण महाराज कोल्हे यांच्या नेतृत्वाखाली गुरुवार दि.२६ जुलै २०२५ रोजी होणार आहे.श्री क्षेत्र महादेवदरा ते श्री क्षेत्र पंढरपूर पायी पालखी सोहळ्याचा बीडसांगवी,देसुर, चिंचाळा,जामगाव , अरणगाव,कवडगाव,चौंडी,चापडगाव ,जातेगाव,कामोणे फाटा,करमाळा, देवळाली,कुंभेज फाटा,शेलगाव चौक, आदिनाथ कारखाना,पांगरे, कंदर,कन्हेरगाव , वेणेगाव,टेंभुर्णी, दगड अकोला, परिते,करकंब,भोसे, कोकनदी होळे, विठ्ठल सहकारी साखर कारखाना ते पंढरपूर असा प्रवास मार्ग आहे. गुरुवार दि.२६ जुलै २०२५ सकाळी ८ वा.पायी पालखी प्रस्थान होईल.सर्व भक्तांनी आपले जीवन कृतार्थ करण्यासाठी महादेवाच्या पालखी सोहळ्याबरोबर अवश्य यावे असे आवाहन ह.भ.प. क्षेत्र विकासक कल्याण महाराज कोल्हे व समस्त ग्रामस्थ बीडसांगवी आणि महादेव मंदिर ट्रस्ट,महादेवदरा यांनी केले आहे.