महाराष्ट्र राज्य पत्रकार संघाचे प्रदेश उपाध्यक्षपदी प्रफुल्ल सहस्त्रबुद्धे

आष्टी (प्रतिनिधी) महाराष्ट्र राज्य पत्रकार संघाच्या जिल्हा शाखेने बीड जिल्ह्यातील तालुका पत्रकार संघाच्या अध्यक्षांच्या नियुक्त्या जाहीर केल्या आहेत.आष्टी येथील ज्येष्ठ पत्रकार प्रफुल्ल सहस्त्रबुद्धे यांची प्रदेश उपाध्यक्षपदी नियुक्ती केली आहे.इलेक्ट्रॉनिक मीडियाच्या बीड जिल्हाध्यक्षपदी दीपक जाधव यांची तर बीड शहर पत्रकार संघाच्या अध्यक्षपदी प्रतिक कांबळे यांची नियुक्ती करण्यात आली आहे.सर्व नवनियुक्त तालुकाध्यक्ष यांनी तत्काळ नवीन सभासद नोंदणी करून तालुकास्तरीय उर्वरित कार्यकारिणी जाहीर करावी असेही कळवण्यात आले आहे. महाराष्ट्र राज्य पत्रकार संघाचे प्रदेशाध्यक्ष वसंत मुंडे आणि राज्य समन्वयक संतोष मानूरकर यांच्या नेतृत्वाखाली कार्यरत असलेल्या पत्रकार संघाचे बीड जिल्हाध्यक्ष बालाजी तोंडे व जिल्हाध्यक्ष शेख रिझवान यांनी जिल्ह्यातील नवीन तालुकाध्यक्षांची नियुक्ती जाहीर केली आहे. यामध्ये बीड -धनंजय गुंदेकर, परळी - बालासाहेब फड , अंबाजोगाई - गोविंद महाराज केंद्रे,केज - दुर्गादास लांब,आष्टी - प्रविण पोकळे,धारूर -परमेश्वर राऊत,पाटोदा -महेश बेदरे, शिरूर -शहेबाज पठाण, माजलगाव -अंगद दराडे, गेवराई- राहुल लोंढे यांचा समावेश आहे.प्रदेश उपाध्यक्ष या रिक्त पदी आष्टीचे ज्येष्ठ पत्रकार प्रफुल्ल सहस्त्रबुद्धे यांची राज्य कार्यकारी समितीच्या मान्यतेने नियुक्ती करण्यात आली आहे.