पोटच्या मुलानेच मित्रांच्या मदतीने केला बापाचा खून.................... हत्येच्या घटनेने उडाली खळबळ,तिघांवर गुन्हा दाखल................

आष्टी (प्रतिनिधी) आष्टी तालुक्यातील उंदरखेल येथील तलावात मासेमारी करणाऱ्यांना एक सांगाडा एप्रिल २०२३ मध्ये आढळून आल्याने खळबळ उडाली होती.या प्रकरणाचा आता उलगडा झाला आहे.हा खून असल्याचे उघडकीस आले आहे.पोटच्या मुलानेच दोन मित्रांच्या मदतीने बापाचा खून केल्याचे पुढे आल्याने अंभोरा पोलिस ठाण्यात तिघांविरोधात गुन्हा दाखल करण्यात आला आहे.आष्टी तालुक्यातील उंदरखेल तलावात एप्रिल २०२३ मध्ये मासेमारी करणाऱ्यांना एक सांगाडा आढळून आला होता.तो सांगाडा धानोरा येथील लक्ष्मण सदाशिव शेंडे (वय ५५) यांचा असल्याचे स्पष्ट झाले आले. दरम्यान, उत्तरीय तपासणीत शेंडे यांचा नोव्हेंबर-डिसेंबर २०२२ या कालावधीत खून झाल्याचे स्पष्ट झाले. पोलिसांनी अधिक तपास केला असता, शेंडे यांचा मुलगा अशोक याने दोन मित्रांच्या मदतीनेच खून केला.पुरावा नष्ट करण्याच्या हेतूने मृतदेह उंदरखेल तलावात फेकून दिल्याचे पुढे आले.तपासामुळे तब्बल वर्षभरानंतर या घटनेला वाचा फुटली आहे. पोलीस उपनिरीक्षक रवि गुलाब देशमाने यांच्या फिर्यादीवरून अंभोरा ठाण्यात अशोक लक्ष्मण शेंडे (मुलगा ३८ रा.धानोरा हल्ली मुक्काम मिरीमाका ता.नेवासा),रामवीर यादव,किरण वाघमारे (दोघे रा.धानोरा ता.आष्टी) यांच्याविरोधात खूनासह पुरावा नष्ट केल्याप्रकरणी गुन्हा दाखल केला आहे.मुलासह एकास पोलिसांनी ताब्यात घेतले आहे.एकजण फरार आहे.ही कामगिरी अंभोरा पोलिस ठाण्याचे सहायक पोलीस निरीक्षक महादेव ढाकणे,पोलिस उपनिरीक्षक आदिनाथ भडके,पोलीस हवालदार बाबासाहेब गर्जे,अंमलदार शिवदास केदार,अमोल शिरसाठ यांनी केली.